آفرینش بزمنه یاران ! گوزه ل مهمان گلیر
گول سه پین ! بو عالمه گول دن گوزه ل انسان گلیر
گوی آی اولدوزدان بزنمش ،گوزلری حیران ائدر
باغ گولور گوللر آچیرعطر گل و ریحان گلیر
بحر، شوقن دن گئدیب الدن قرار و راحتی
قعرِ دریاده ن نثارَه لوء لوء و مرجان گلیر
گورسه نر افلاکده بیر گورملی شور و نشور
کهکشانلار صف به صف چوخ جلوه لی الوان گلیر
زهره سازن ساز ائدیب افلاکی پر آواز ائدیب
مشتری حیران باخر ، انگشت بر دندان گلیر
باخ نئجه مریخ جنگاور سلاح رزملن
شمسی نن منظو مه سی له مکه یه مهمان گلیر
گون بو مولودین جمالن دن تاپپ نور و ضیا
آی بونوزادن کمالن دن دی بی نقصان گلیر
فکر مادی ماورانن شرح ائدنمز وصفنی
نکته دوتما شاعره سرمست اولوب مستان گلیر
قویدی چون یر عالمینه حضرت طاها قدم
پای بوسه اهل عرش وفرش دست افشان گلیر
شعر و موسیقی جوشور ارض و سما رقاص اولوب
تا نسیمن اللرینده طره سی رقصان گلیر
زولفون عطریله صبا امواته احیا ایلیب
خال هندویه ئورکلر ال اله قوربان گلیر
گوردی هرکس حسن وجهین آیدن اولدی گوزلره
ظلمتین سندی بئلی نور حق سبحان گلیر
شعله سینه ورمشام پروانه تک شهپرلرم
مدعی فهم ایله مز یانماق اونا آسان گلیر
من کیمم تا سوز یازام ختم رسالت شاهنه
طبع شعرم قاینیب سرچشمه دن جوشان گلیر
حق منادی سه محمد(ص )رحمةٌ للعالمین
الده منشور عدالت سینه ده قرآن گلیر
فارسن آتشگاهی سوندی سندی طاق کسروی
لرزه دوشدی بُت لره هنگامه ی ایمان گلیر
اهل بیت مصطفایه عشقی واردی هرکسن
صحنه ی محشرده آی تک چهره سی رخشان گلیر
ایرانن خلقنده بو عشق وارادت بس که وار
حضرتن فرمایشه بر مردم ایران گلیر
اهل ایران گر ثریاده اولا علم ال تاپار
چون که امر حقه دائم گوش بر فرمان گلیر
وحدت اولسا سنی و شیعه چاتال لار عزته
تفرقه ویران ائدر بنیانی چوخ خسران گلیر
دوشمنین وار نیتی سالسن نفاق و اختلاف
چون داغلمش لشکرن سرکوبی چوخ آسان گلیر
قول قولا زنجیر تک شیعیله و سنی سالسالار
ظالمین طوفان وحدتدن اوی ویران گلیر
بیردی اصل اعتقاد شیعه و سنی ولی
خارجی تحریکنه دین قارداشی دوشمان گلیر
تیکمشم گوز حضرت صاحب زمانن لطفنه
چون فقط شاه ولادن بخشش شایان گلیر
ایستمم غیر از ئوزن دن بیر نفر دن من صله
بو گدایه مژده ، وصل خسرو خوبان گلیر
ئوزمه «شیوا »آستان اهل عصمتدن الین
چون سنه دنیا و عقبا فیض جاویدان گلیر
پاییز91غلامرضا گنج خانی (شیوا)
:: بازدید از این مطلب : 335
|
امتیاز مطلب : 391
|
تعداد امتیازدهندگان : 117
|
مجموع امتیاز : 117
عضو شوید
عضویت سریع
آمار مطالب
آمار بازدید
